koi fariyaad..

safar hai lamba,imtihaan abhi aur bhi hain...

ye to fakat suruvaat hai,abhi se dar gayi,

raat bahot lambi hai,andheron se dosti karlo,

mat gino apne bister ki salvaton ko,ke khud se khichtaan abhi aur bhi hain..

safar hai lamba,imtihaan abhi aur bhi hain..

dard ki shyam ka kinara aa gaya to kya,

sidhe raaston mein ek tang tez mod aa gaya to kya,

teri meri kahani mein baaki abhi daastan aur bhi hain..

safar hai lamba,imtihaan abhi aur bhi hain..

mera shyam rang tere gorey rang mein ghul jayega,

meri kavitaon ko tere kanth ka savrr mil jayega,

ummedon ke iss registaan mein paani ke makaam aur bhi hain..

safar hai lamba,imtahaan abhi aur bhi hain..

tera badan meri baahon ke saache mein dhal jayega,

tera pehla naam mere aakhri naam se jud jayega,

mat puch ke aise kitne hi armaan aur bhi hain..

safar hai lamba,imtihaan abhi aur bhi hain..

much ado about nothing

the latest news hitting the newspapers is the detention of shahrukh khan at one of the airports in America for identification,the same thing happened with Dr. kalaam a few days ago.though both the victims(should i call them) took it lightly and humbly but it is our media which is blowing it out of proportion.what is a big deal in frisking anybody for the sake of security,after all "it is better to prevent and prepare than to regret and repair".every country has the right to do so,more so if you had encountered a 9/11.it is because of this security consciousness that no terror attack took place after that in America.many are saying that we don't frisk bred Pitt,Angelina Jolie or bill Clinton when they come to India but then who stops us from doing that.is it because of our colonial hangover,inferiority complex or our lethargic approach towards security that we don't frisk whites?.our media is thriving on nonsense issues,why don't it bring forth our security lapses and loopholes even though we face terror attacks every another day unlike America.but why should i only blame media,they are people amongst us,like us.the problem lies in our Indian society and the name of the problem is megalomania and if that is too technical a word then should i call it VIP syndrome.this syndrome is in our blood and we are born with it,remember the famous line which each one of us use more often than not in our life during an altercation;"do you know who I AM?",this line says it all.we all want to be treated differently,after all we are not mango people,and we do different things to prove that,we take privilege in jumping queue's,get our work done by greasing some body's palm,break traffic rules.after all we are very busy people who hate to wait.we would spit anywhere,jam the both sides of a railway crossing because we have every right to cross it first,we use PRESS, POLICE and VIP PARKING stickers on our private vehicles just to make others feel that they are just another nonsense creature on this earth.in our roadways buses i have seen seats reserved for M.P and M.L.A,but yet to see one using them.this is just to appease them and glorify them.i had read a news years ago that tony Blair,the then prime minister of Britain was not offered a seat while he was travelling in a bus,does that make us think?.i find VIPfication of great Indian middle class when i see a red light over a maruti-800 car,should i feel happy by that?.we should shed away this hypocrisy.

tere bin..

tere haalaaton se apne haalaat mila baitha hu main aaj..

tufaano se takraane ka mijaaz kuch aisa ban gaya,
ke tez hawaaon mein chiraag jalaa baitha hu main aaj..

tere chehre ke noor ki roshni itni ho gayi thi,
ke suraj ko bhi aaina dikha baitha hu main aaj..

kasmakas mein rehna ek sacchai si ban gayi hai,
isliye dard ko hi davaa banaa baitha hu main aaj..

ho sakta hai ke bahot waqt lag jaye nishano ko mitne mein,
isliye chehre pe chehra laga baitha hu main aaj..

ab kisi aur se nazarein milaane ki himmat karun bhi to kaise,
isliye aankhon pe kaala chasma laga baitha hu main aaj..

ab to bas apni tanhai ka hi sahara hai,
apne aasuon ko apni kalam ki syahi bana baitha hu main aaj..

teri aankhon ke paimaano mein mere armaano ka samundar doob gaya,
na chahte hue bhi bhagwaan se teri sikaayat lagaa baitha hu main aaj..

tere haalaaton se apne haalaat mila baitha hu main aaj..

jaane kya baat hai..

haasil nahi kuch teri yaadon mein doobkar,
par iss junoon ko ek naam de jaane ka jee karta hai..

aisa nahi ki mujhe aag se tapish mehsoos nahi hoti,
par bankar parwaana teri lo mein jal jaane ka jee karta hai..

ye raat aksar bahot lambi ho jaati hai,
teri julfon ki amaavas ke saaye mein so jaane ka jee karta hai..

tujhse thodi si doorie bhi pardeson si lagti hai,
tere dil mein bas jaane ka jee karta hai..

tujhe toot ke chahne ke liye ye zindagi thodi pad gayi,
ek aur janam jee jaane ka jee karta hai..

tum gaye apna kuch saammaan chodd gaye,
tujhe kuch lautaane ke bahaane tujhse mil jaane ka jee karta hai..

par mere haalaat ki aandhi bahot tez hai,
teri raahein aasaan banaa jaane ka jee karta hai..

tere chahne waale to hazzaron hai,
jaane kyo aaj mera akela ho jaane ka jee karta hai...

aisi laagi lagan..

teri yaadon ke aangan se nikalta,bachta,bhaagta sa,
kyu ek mod pe aake tham sa jaata hu main..

ummedon ke kchatij ka koi antt nahi,
kyu apne aap ko har pal ye samjhata hu main..

duniya ki matlabi si kasauti par tera mera vajan ek sa nahi,
fir kyo iss taraaju ko baraabri par dekhna chahta hu main..

na barasne waale in baadalon mein mujhe teri bebasi si nazar aati hai,
fir kyo inke barasne ke intzaar mein apni aankhein sujaata hu main..

ye hawaa aur ye patang mujhe tere chanchal mann si lagti hai,
kyu har pal disha badalti in hawaaon sang behta jaata hu main..

ghar ki peechli deewar par chadhti bel mujhe meri aakanshaon ki yaad dilaati hai,
kyu in aakanshaon ko roz sichta jaata hu main..

sadak ke beech gaddhon mein kaed paani mujhe meri hadein batata hai,
kyu ek halki si baarish hote hi apni hadein tod jaata hu main..

dhalte suraj ki laalima tere honton se rang udhaar maangti si prateet hoti hai,
kyu issi rang se apne sapnon ka indradhanush sajaata hu main..

ye mandir ki ghantiyan,ye ghadi ki tik tik tere dil ke dhadakne ka ehsaas dilaati hain,
bas issi ek ehsaas k sahaare mar mar ke fir jee jaata hu main...

tujh sang preet lagaii...

yu to main koi jaadugar nahi,
par teri aankhon ki shararton ko padhne ki kalaa aati hai mujhe..

tere gaalon pe pade gadhhe murjha jaate hain kabhie kabhie,
par tere honton pe muskaan laani aati hai mujhe..

ye daava nahi karta ke tere khwaabon mein aata hu,
par teri neend udaani aati hai mujhe..

kya hua agar anjaan hu duniya ke rasmon rivaazon se,
par tujhse preet nibhaani aati hai mujhe..

dil ke chote se kone mein bahot bada sapna paal rakha hai tumne,
ye baat tere chehre mein nazar aati hai mujhe..

sochta hu puchh lu aaj ek sawaal tujhse,
par teri khamoshi har jawaab de jaati hai mujhe..

log kehte hain ki jodiyan rab banaata hai,sach hi to hai,
tere haathon mein meri kismat ki lakir nazar aati hai mujhe...

saat sawaal

doob kar apne mann ki vyakul gehraiyon mein,
jab baitha ek din sochne mein attet ki parchaaiyon mein,
to ye saat sawaal uthe..

panchtantra ki kahaniyon sa tha mera bachpan,
kyu zindagi ab ek rahasyamaya upnayaas si ho gayi hai??

chandd rupaiyon mein poori hone waali choti choti khwaishein thi meri,
kyu ab kabhi na poorey hone waale armaan jaag uthe hain??

dhalte chaand ke girne ka intzaar karti thi kabhi ye aankhein,
kyu chaand ab earth ka ek natural satellite sa lagta hai??

pahadon se hoti hui pagdandiyon ke beech se paathsaala jaana acha lagta tha kabhie,
kyu ab concrete ke ye raaste bhi durgam lagte hain??

shehtoot ke ped par chadkar uspar apna aashiyan banaya karte the,
kyu ab ghar ki diwaarein bhi pinjare si lagti hain??

naye school ke pehle din ke anjaan chehre bhi apne se lagte the,
aur ab aankhein chehre pehchanne mein aksar dhokha kha jaati hain??

kabhie sapnon ki duniya mein khoya sa rehne waala main,
kyo vaastavikta ke aage natmastak sa ho gaya hu???

hazaaron khwaishein aisi...

sapnon ko armaanon ke pankh lagaane se pehle,
kaash ham jaan lete gam ka aalam
muskurane se pehle..

khushyion ki bela mein iss kadar beh nikle ham,
ke gehrai ka andaaza hi na lagaa beech majhdhaar mein
jaane se pehle..

wo to aksar samjhaate the hamein mat chalo iss pathrili raah par,
ke kaante chubh jaate hain yahan paav zamin par
aane se pehle..

lekin kya karte unko paane ki zustzoo hi itni hasin thi,
ke ek pal ko to maut ko bhi darwaaje par rok dete
ander kadam badhane se pehle..

uss chaand ki parchai ko kaed kar lena chahte the ham,
par mera aaina hi bewafaa nikla,tut gaya kambhakhat
purnima ke aane se pehle..

aisa nahi ki unhe kadrr nahi hai hamari chahat ki,
wo to jaan bhi dedein
hamare ek issare se pehle..

par sapnon ki ye duniya haqiqat ki duniya se bahot alag hai,
band aankhon ke sapne tod deti hai duniya yahan
neend ke khul jaane se pehle...

kaisi hai wo???

paani ke bahaav si chanchal,
hawaon ke aanchal si komal,
suraj ki pehli kiran si nirmal hai wo.

patthar pe likhe naam si ammit,
ek abhooj paheli si vichitr,
saawan ki pehli boond si pavitr hai wo.

khilne ki jidd pe adii ek kali si,
indradhanush k rangon ki vividhta samete,
ek rangin paani si hai wo.

amberr ki hadon ko apne ander samaaye,
samunderon ki gehrai si,
shayaron ki kalam ki prerna hai wo.

jharney k paani si uski angdai,
kisi shrangaar ras ki kavita ki panktiyon si,
mira kaisi diwani hai wo.

dubte ka tinka,pyasse ka paani,
kabhi na dhalne waali jawani,
ek prarthna,ek dua,ek gurbaani si hai wo.

chali ja rahi hai apna raasta khud banakar behti hui,
swachh,saral,sittal,
ganga ka paani si hai wo.

dhalti shyaam ka unmaad aankhon mein,
saari duniya ki kashish baaton mein,
mere sapne churane waali,mere sapnon ki raani hai wo......